Karancin u Śjera-Leone zakranuŭ 6 młn. čałaviek. Na fota Rojterz — spuściełyja vulicy Frytaŭna, niepadalok ad jakoha adbyŭsia napad na pachavalnuju kamandu.

Karancin u Śjera-Leone zakranuŭ 6 młn. čałaviek. Na fota Rojterz — spuściełyja vulicy Frytaŭna, niepadalok ad jakoha adbyŭsia napad na pachavalnuju kamandu.

U adnoj ź viosak Śjera-Leone ŭ subotu, 20 vieraśnia, adbyŭsia napad na karantynnuju kamandu padčas pachavańnia achviar lichamanki Eboła, pieradaje Rojterz.

Trochdzionny karancin u Śjera-Leone byŭ abvieščany 19 vieraśnia. Jon zaklikany spynić raspaŭsiud virusa Eboła ŭ hetaj najbolš paciarpiełaj krainie, dzie achviarami epidemii stali 550 hramadzian (usiaho ŭ Zachodniaj Afrycy zahinuli 2600 čałaviek).

Žycharam Śjera-Leone, a ich kala 6 młn., zabaroniena pakidać svaje damy z 7 ranicy da 7 viečara. Admienienyja słužby ŭ miačeciach, pachavańnie ažyćciaŭlajecca pa praviłach karantynu.

Sielskaje nasielnictva ź vialikim padazreńniem staviacca da aficyjnaj kampanii pa baraćbie z chvarobaj. Hetym, vidać, i tłumačycca napad na pachavalnuju kamandu ŭ adnoj ź viosak niepadalok ad Frytaŭna.

Paviedamlajecca, što ŭzbrojenyja palicyjanty apieratyŭna prybyli da miesca, dzie niekalki maładych ludziej sprabavali sarvać pachavańnie. U vyniku, tyja, chto napadaŭ źbiehli. Nadalej vałanciory zahadzia pavinny paviedamlać u palicyju pra čas pachavańniaŭ, kab paźbiahać padobnych incydentaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?