Efiektyŭnaść sistemy achovy zdaroŭja aceńvałasia šlacham supastaŭleńnia takich pakazčykaŭ, jak siaredniaja praciahłaść žyćcia, dola vydatkaŭ na achovu zdaroŭja ŭ nacyjanalnaj ekanomicy i vydatki na achovu zdaroŭja na dušu nasielnictva. Siaredniaja praciahłaść žyćcia ŭ Biełarusi 72,1 hoda, dola vydatkaŭ na achovu zdaroŭja — 5%, vydatki na dušu — 339 dołaraŭ.

ZŠA zaniali ŭ rejtynhu Bloomberg 44-je miesca, padniaŭšysia ŭ paraŭnańni z papiarednim hodam na dźvie pazicyi. U ZŠA na kožnaha dziaržava tracić značna bolš — 8895 dołaraŭ, dola vydatkaŭ u ekanomicy 17,2%, ale praciahłaść žyćcia amierykancaŭ pry hetym tolki na šeść hadoŭ bolš, čym u biełarusaŭ, — 78,7 hoda.

Lidaram rejtynhu staŭ Sinhapur, paciaśniŭšy z 1-ha miesca Hankonh. Siaredniaja praciahłaść žyćcia ŭ Sinhapury składaje 82,1 hoda, dola vydatkaŭ na achovu zdaroŭja ŭ ekanomicy — 4,5%, a vydatki na achovu zdaroŭja na dušu nasielnictva — 2426 dalaraŭ.

Ź jeŭrapiejcaŭ samaje vysokaje miesca ŭ Italii (ahulnaje treciaje miesca). 22-je miesca zaniała naša susiedka Polšča. Siaredniaja praciahłaść žyćcia palakaŭ składaje 76,8 hadoŭ, a vydatki na achovu zdaroŭja na dušu nasielnictva — 854 dalara. Polšča, u svaju čarhu, apiaredziła Niamieččynu, jakaja stała 23-j.

Vyšej za Biełaruś ŭ rejtynhu stajać taksama Livija (25-je miesca), Kitaj (26) i Vieniesueła (38).

Zamykaje śpis na 51-m miescy Rasija. Siaredniaja praciahłaść žyćcia rasiejcaŭ mienš, čym u Biełarusi 70,5 hadoŭ, choć vydatki na miedycynu značna bolšyja — 887 dalaraŭ na dušu.

Rejtynh aceńvaje efiektyŭnaść nacyjanalnych sistem achovy zdaroŭja krain śvietu z nasielnictvam ad 5 młn čałaviek, pamieram VUP na dušu nasielnictva ad 5 tys. dalaraŭ i siaredniaj praciahłaściu žyćcia ad 70 hadoŭ (pa dadzienych na 2012 hod). U hetym hodzie zadadzienym kryteram adpaviadała 51 kraina. Z postsavieckaj prastory ŭ im pradstaŭleny tolki Biełaruś i Rasija, taksama ŭpieršyniu ŭvajšła ŭ rejtynh.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?