1 studzienia 2015 h. spyniajecca vypusk u abaračeńnie banknotaŭ Nacyjanalnaha banka Respubliki Biełaruś naminałam 50 rubloŭ uzoru 2000 hoda, a taksama banknotaŭ nazvanaha naminału madyfikacyi 2010 hoda.

Takoje rašeńnie pryniata pastanovaj Praŭleńnia Nacyjanalnaha banka Respubliki Biełaruś ad 5 vieraśnia 2014 h. № 560 zychodziačy ź niemetazhodnaści dalejšaha vykarystańnia nazvanych banknotaŭ u najaŭnym hrašovym zvarocie i z metaj skaračeńnia dziaržaŭnych vydatkaŭ na ich vyrab, paviedamlaje pres-słužba Nacbanka.

Da 1 lipienia 2015 h. banknoty Nacyjanalnaha banka naminałam 50 rubloŭ padlahajuć pryjomu pry ŭsich vidach płaciažoŭ usimi subjektami haspadarańnia, u tym liku i bankami Respubliki Biełaruś.

Z 1 lipienia 2015 h. banki i subjekty haspadarańnia spyniać vydaču nazvanych banknotaŭ fizičnym asobam, u tym liku ŭ jakaści rešty. Pry hetym pryjom banknotaŭ naminałam 50 rubloŭ bankami ad subjektaŭ haspadarańnia budzie ažyćciaŭlacca da 1 vieraśnia 2015 h.

Abmien banknotaŭ naminałam 50 rubloŭ možna budzie zrabić biez abmiežavańniaŭ i biez spahnańnia kamisijnaha ŭznaharodžvańnia ŭ luboj sumie, kratnaj 100 rublam:

— z 1 lipienia 2015 h. pa 31 śniežnia 2015 h. uklučna – u Nacyjanalnym banku Respubliki Biełaruś i bankach krainy;

— z 1 studzienia 2016 h. pa 30 červienia 2016 h. uklučna – u Nacyjanalnym banku Respubliki Biełaruś.

Z 1 lipienia 2016 h. banknoty naminałam 50 rubloŭ buduć vyklučany z abaračeńnia i buduć ličycca niesapraŭdnymi.

Клас
0
Панылы сорам
0
Ха-ха
0
Ого
0
Сумна
0
Абуральна
0