Žychar Kiemieraŭskaj vobłaści skraŭ z haraža aŭtamabil i šturchaŭ jaho kala kiłamietra, bo nie ŭmieŭ kiravać. Pra heta ŭ paniadziełak paviedamlaje pres-słužba HU MUS pa vobłaści.
Pra toje, što mužčyna sahnaŭ aŭtamabil, supracoŭniki DIBDR horada Leninsk-Kuźniecki daviedalisia paśla pravierki mašyny, jakuju padazrony «kiroŭca» pryparkavaŭ kala kafe.
«Vyśvietliłasia, što mužčyna znachodzicca ŭ stanie ałkaholnaha apjanieńnia, pry sabie ŭ jaho nie akazałasia ni pašparta, ni paśviedčańnia kiroŭcy, ni dakumientaŭ na mašynu. Palicyjanty dastavili mužčynu ŭ adździeł palicyi, a transpartny srodak — na śpiecstajanku», — skazali ŭ pres-słužbie.
Pakul supracoŭniki palicyi vyśviatlali, kamu naležyć aŭtamabil, u dziažurnuju častku źviarnuŭsia paciarpieły z zajavaj ab zhonie. Jak akazałasia, złamyśnik, prarabiŭšy adtulinu ŭ dachu haraža, spuściŭsia ŭnutr, skłaŭ u sałon aŭtamabila znojdzienyja ŭ pamiaškańni kaštoŭnyja rečy, adkryŭ varoty i pavioz aŭtamabil svaimi siłami.
«Transpartny srodak jon płanavaŭ razabrać na zapčastki», — udakładnili ŭ HU MUS.
Aŭtamabil viernuty paciarpiełamu. U dačynieńni da zhonščyka ŭzbudžanaja kryminalnaja sprava pa artykule «Kradziež», jamu pahražaje da 6 hadoŭ pazbaŭleńnia voli.