24-hadovy žychar Salihorska Daniła Ciufcin litaralna na kalency sabraŭ repliku Mclaren f1. Ciapier abjava visić na barachołcy «Onłajniera». Chłopiec pradaje mašynu za 39 tysiač dołaraŭ.

«Jana jašče nie zarehistravanaja. Aficyjna jana nidzie nie ličycca. Dakumientaŭ na jaje niama, bo mašyna samarobnaja», —

ahałomšvaje saliharčanin Jeŭraradyjo. Chłopiec kaža, što vydatkavaŭ na jaje kala 5 tysiač dołaraŭ.

U jakaści donara Daniła vykarystaŭ Peugeot 806. A voś kuzaŭ adlivaŭ sam.

«Pakul ścipłyja paramietry, 130 koniej, 2.0 abjom ruchavika — 2,0, bienzinavaja. Pakul nie viedaju, za kolki jana da sotni razhaniajecca, nie było takich vyprabavańniaŭ. Jaje jašče abšyvać nieabchodna i drobnyja dapracoŭki», — kaža Daniła. U mašynie pakul niama kandycyjaniera, šybaŭ i inšych navarotaŭ, ale košt ukazany z ulikam poŭnaj zborki.

Chłopiec navat znajšoŭ, dzie možna mašynu zarehistravać i aformić usie dakumienty.

Miechanik raspaviadaje, što pakul jamu telefanujuć znajomyja, prosiać aprabavać mašynu. Darečy,

spačatku ŭ ideju stvareńnia Mclaren f1 nichto nie vieryŭ. A sam Daniła pakul nie viedaje, jak nazvać pieršaje samarobnaje aŭto.

Na sajcie mašyna ličycca jak Lamborghini Diablo.

Darečy, da niadaŭniaha času Daniła pracavaŭ u Salihorskim instytucie prablem resursaźbieražeńnia, ale ciapier hetuju pracu kinuŭ i časova biespracoŭny. Kali sprava pojdzie, budzie kanstrujavać mašyny i dalej.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?