Pra heta siońnia ŭ Ńju-Jorku ŭ časie pieršaha Biełaruska-amierykanskaha forumu zajaviŭ premjer-ministr Biełarusi Michaił Miaśnikovič, adkazvajučy na pytańni pradstaŭnikoŭ biznesu.

«My damovilisia z pasolstvam ZŠA ŭ Minsku, što budziem usialak sadziejničać pracy MZS Biełarusi i Dziarždepartamienta ZŠA», — zajaviŭ premjer-ministr. Pavodle jaho słoŭ, havorka idzie pra mahčymaść niekatoraha pavieličeńnia kolkaści rabotnikaŭ pasolstvaŭ, u pieršuju čarhu konsulskich rabotnikaŭ. «Heta pytańnie znachodzicca ŭ stadyi razhladu», - skazaŭ Michaił Miaśnikovič.

U premjer-ministra pacikavilisia, ci možna čakać vizavych pasłableńniaŭ, asabliva dla pradstaŭnikoŭ biźniesu. Michaił Miaśnikovič adznačyŭ, što ŭ hetym pytańni jość peŭnyja prablemy, jakija nieabchodna vyrašać sumiesna z administracyjaj u ZŠA. Jon raspavioŭ, što ŭ časie jaho vizitu ŭ Ńju-Jork zapłanavanyja ŭ tym liku sustrečy z pradstaŭnikami Dziarždepartamienta ZŠA.

Namieśnik ministra zamiežnych spraŭ Alaksandr Hurjanaŭ u suviazi z hetym padkreśliŭ, što rašeńnie adpaviednych pytańniaŭ lažyć u halinie ŭzajemnaha intaresu jak Biełarusi, tak i ZŠA. «My ciapier damovilisia pa mienšaj miery nie rabić daražejšymi tyja vizy, jakija vydajucca ŭ dvuchbakovym farmacie. A ź biełaruskaha boku sistema maksimalna sproščana. U lubym vypadku pad kankretnyja biźnies-intaresy ŭ Biełarusi my hatovyja vydavać doŭhaterminovyja vizy biez usialakich prablem», - zajaviŭ namieśnik ministra.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?