Kiroŭca ŭziaty pad vartu. Pra heta BiełaPAN paviedamili ŭ Śledčym kamitecie.

Niepracujučy ŭradženiec Mahiloŭskaj vobłaści 1992 h.n. u stanie ałkaholnaha apjanieńnia (1,7 pramile) na vulicy Jasienina vyjechaŭ za miežy prajeznaj častki i ździejśniŭ najezd na dvuch piensijanieraŭ. Žančyna 1953 h.n. zahinuła na miescy zdareńnia. Mužčyna 1947 h.n. z traŭmami byŭ špitalizavany i nieŭzabavie paśla dastaŭki ŭ miedustanovu pamior.

Padčas dopytu abvinavačvany patłumačyŭ śledčym, što sieŭ za rul aŭtamabila paśla ŭžyvańnia śpirtnych napojaŭ, kab dajechać da kramy. Pa darozie jon nie spraviŭsia z kiravańniem i ździejśniŭ DTZ.

Śledstva vyśvietliła, što małady čałaviek raniej nieadnarazova pazbaŭlaŭsia prava kiravańnia transpartnymi srodkami za kiravańnie ŭ stanie ałkaholnaha apjanieńnia. Aŭtamabil «BMV» abvinavačanamu nie naležyć, jon kiravaŭ im pa davieranaści.

Mužčynu vystaŭlenaje abvinavačvańnie ŭ ździajśnieńni złačynstva, praduhledžanaha č. 5 art. 317 KK (parušeńnie Praviłaŭ darožnaha ruchu asobaj, jakaja kiravała transpartnym srodkam u stanie ałkaholnaha apjanieńnia, što paciahnuła pa nieaściarožnaści śmierć dvuch asob).

Uličvajučy asablivaści asoby abvinavačanaha, ciažar i hramadskuju niebiaśpieku ździejśnienaha im złačynstva, prakuratura Minska sankcyjanavała prymianieńnie da jaho miery strymańnia ŭ vyhladzie zaklučeńnia pad vartu.

Pa spravie pravodziacca nieabchodnyja śledčyja dziejańni pa ŭstalavańni ŭsich abstavinaŭ taho, što adbyłosia. Dziaržaŭnamu kamitetu sudovych ekśpiertyz daručana praviadzieńnie šerahu daśledavańniaŭ.

Sankcyjaj č. 5 art. 317 KK praduhledžana maksimalnaje pakarańnie za ŭčynieńnie dadzienaha złačynstva ŭ vyhladzie pazbaŭleńnia voli na 10 hadoŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?