Jak paviedamiŭ sustaršynia Maładoha Frontu Źmicier Daškievič, meta jaje — ačyścić vulicy biełaruskich haradoŭ ad zasilla «hieorhijeŭskich stužačak» i rasijskich ściahoŭ.
«Apošnim časam my ŭsio čaściej sutykajemsia z vypadkami, kali na vulicach roznych haradoŭ Biełarusi razdajucca hieorhijeŭskija stužki i ściažki Rasijskaj Federacyi. Dla čaho ŭ niezaležnaj krainie niejkija siły masava naviazvajuć nasielnictvu ściahi inšaj dziaržavy? Ale taki padychod niezrazumieły tolki ŭ tym vypadku, kali my sychodzim z taho, što Biełaruś i Rasija — heta niezaležnyja, suverennyja dziaržavy z roŭnymi pravami, — kaža Daškievič. — Kali ž niekatoryja palityčnyja siły zajaŭlajuć, što Biełaruś tolki ŭmoŭna niezaležnaja dziaržava, a pa fakcie ŭvachodzić u pratektarat hetak zvanaha «ruskaha śvietu», dyk tady ŭ masavaj razdačy rasiejskich ściažkoŭ usio stanovicca zrazumieła: ludzi vizualna abaznačajuć prastoru «ruskaha śvietu» i, adpaviedna, Rasijskaj Fiederacyi.
I navat tyja ž hieorhijeŭskija stužki, jakija litaralna paru hod tamu možna było ŭsprymać navat stanoŭča ci chacia b niejtralna, siońnia razam z rasiejskimi ściažkami ŭsprymajucca jak pretenzija na niezaležnaść inšych dziaržaŭ i asacyjujucca z rasijskim teroram na ŭschodzie Ukrainy».
Ale srodkaŭ baraćby ŭ maładafrontaŭcaŭ niašmat. Uvaha kampanii «Stop-impieryja» nakiroŭvajecca na aŭtamabili i hramadski transpart, bo dziela hetaha isnujuć jurydyčnyja ryčahi: pavodle PDD na łabavym škle aŭtamabila zabaroniena raźmiaščeńnie jakich-niebudź pradmietaŭ, nalepak, atrybutyki.
Tamu Małady Front zaklikaje pisać zvaroty ŭ Minskuju dziaržaŭtainśpiekcyju z patrabavańniem ad DAI Biełarusi prybrać rasijski ahitprap z łabavoha škła taho ci inšaha aŭtamabila.
Maładafrontaŭcy zaklikajuć usich nieabyjakavych fatahrafavać ci zapisvać numary aŭtamabilaŭ i dasyłać infarmacyju na admysłovuju staronku ŭ FB facebook.com/stopruempire ci samastojna pisać zvaroty na adras Minskaj DAI: 220036, h.Minsk, pr.Dziaržynskaha, 3.
