U amierykanskim štacie Fłaryda 21-hadovaja amierykanka pad psieŭdanimam Žaśmin Trydevił zrabiła płastyčnuju apieracyju. Ciapier pamiž jaje pryrodnymi hrudźmi krasujecca anałahičny impłantat.
Dziaŭčyna ź ciažkaściu adšukała doktara, jaki daŭ zhodu na ekzatyčnuju apieracyju.
U hutarcy z žurnalistam Real Radio Trydevił raspaviała, što hałoŭnaj pryčynaj apieracyi stała žadańnie prasłavicca i zarabić šmat hrošaj. Jašče adnoj padstavaj dla apieracyi, pa słovach dziaŭčyny, stała adčuvańnie taho, što jana bolš nie žadaje sustrakacca z chłopcami.
«Bolšaść chłopcaŭ padumajuć, što heta dziŭna i ahidna. Ale mnie heta nikolki nie pieraškadžaje. Kali ja naniasu makijaž i nadzienu pryhožuju sukienku, ja mahu adčuvać siabie pryvabnaj», - patłumačyła Trydevił.
Jana taksama raspaviała, što ŭ najbližejšaj budučyni raźličvaje zapuścić ułasnaje realici-šou.
Baćki Trydevił sustreli navinu bieź vialikaha entuzijazmu. Maci navat vybiehła z pakoja, kali daviedałasia pra apieracyju. Baćka pastaviŭsia bolš libieralna.
