«Ja ščyra vieru ŭ toje, što, moža być, z pačatkam hetaha mierapryjemstva i šerahu vialikich mierapryjemstvaŭ palityčnaha charaktaru, jakija inicyjavała Biełaruś, u tym liku ŭ halinie mirnaha ŭrehulavańnia kanfliktu ŭ Ukrainie, u nas budzie vialikaja pierazahruzka adnosin pamiž Biełaruśsiu i ZŠA», - skazaŭ premjer-ministr na adkryćci forumu, pieradaje karespandent BIEŁTA..

Źviartajučysia da ŭdzielnikaŭ forumu, Michaił Miaśnikovič padkreśliŭ, što biełaruski bok hatovy zrabić usio, što ad jaje zaležyć, kab Biełaruś stała lepšym miescam dla realizacyi prajektaŭ amierykanskich inviestaraŭ. «My adkrytyja dla dyjałohu, hetak ža, jak adkryta naša kraina», - padkreśliŭ jon.

Pytańni palityčnaha ŭzajemadziejańnia byli abmierkavany na sustrečy premjer-ministra Biełarusi Michaiła Miaśnikoviča z členam Pałaty pradstaŭnikoŭ Kanhresa ZŠA ad Demakratyčnaj partyi Chakimam Džefrysam. Varta adznačyć, što heta małaviadomy i nie ŭpłyvovy deputat.

«My havaryli pra palityku, sankcyi. Ja skazaŭ, što niama padstavaŭ, kab ceły šerah pradpryjemstvaŭ Biełarusi znachodzilisia pad sankcyjami», — raskazaŭ premjer-ministr pa vynikach sustrečy. 

Pavodle słoŭ Michaiła Miaśnikoviča, kanhresmien vielmi vysoka acaniŭ rolu Biełarusi i Alaksandra Łukašenki ŭ pytańni mirnaha ŭrehulavańnia kanfliktu va Ukrainie.

Akramia taho, razhledžany šerah pytańniaŭ, źviazanych sa stvareńniem režymu bolšaha davieru. «My damovilisia, što pa linii Pałaty pradstaŭnikoŭ Kanhresu ZŠA budzie razhledžana pytańnie ab mahčymaści nakiravańnia ich pradstaŭnikoŭ u Biełaruś, kab pahladzieć, jakija ŭ rečaisnaści stvarajucca ŭmovy dla aktyŭnaha biźniesu i jakija treba było b pryniać palityčnyja rašeńni, kab stvaryć adpaviednyja kamfortnyja ŭmovy dla handlova- ekanamičnaha i inviestycyjnaha supracoŭnictva «, — paviedamiŭ premjer-ministr.

Biełaruś i ZŠA mohuć u bližejšy čas padpisać pahadnieńnie ab uzajemnaj abaronie i zaachvočvańni inviestycyj, a taksama niekalki inšych važnych pahadnieńniaŭ, jakija stvorać pravavuju asnovu dla bolš efiektyŭnaha raźvićcia handlova-ekanamičnaha supracoŭnictva pamiž dźviuma krainami, zajaviŭ premjer-ministr Biełarusi.

«Ź biełaruskaha boku prajekty hetych dakumientaŭ padrychtavanyja, adpaviednyja słužbovyja asoby i struktury ŭ administracyi ZŠA painfarmavanyja, i my b chacieli ŭ samy bližejšy čas z našymi amierykanskimi partniorami ŭdakładnić asobnyja niaŭzhodnienyja pazicyi i vyjści na padpisańnie bazavych dakumientaŭ jak pa vizach, tak i ŭ dačynieńni da pahadnieńniaŭ, jakija stvarajuć asnovu inviestycyjnaha i handlova-ekanamičnaha supracoŭnictva», — adznačyŭ Michaił Miaśnikovič.

«My bačym svaju budučyniu ŭ ekanomicy viedaŭ i inavacyjach. Siońnia vielmi vysoki ŭzrovień kankurencyi, i my źjaŭlajemsia prychilnikami realnaj adkrytaj ekanomiki, paśladoŭna idziem hetym šlacham», — zajaviŭ premjer-ministr.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?