AFP

AFP

Premjer-ministr Japonii Sindza Abe adklikaŭ zaprašeńnie prezidentu Rasii Uładzimiru Pucinu naviedać krainu hetaj vosieńniu. Jak paviedamlaje ahienctva Kyodo, ZŠA źviarnulisia da japonskaha ŭrada z prośbaj adkłaści vizit rasijskaha lidara. U Tokia paličyli nieabchodnym padtrymać rašeńnie Vašynhtona.

Zrešty, pavodle ahienctva, japonski premjer raźličvaje pieramovicca z Pucinym padčas samitu ATES, jaki projdzie ŭ listapadzie ŭ Piekinie. Pry hetym u Tokia nie vyklučajuć, što aficyjny vizit budzie pieraniesieny na viasnu 2015 h. ci paźniej, u zaležnaści ad rasijska-amierykanskich adnosin.

Aficyjnaha kamientara Kramla na adklikańnie zaprašeńnia pakul nie pastupała.

U vieraśni Tokia adkłaŭ pryniaćcie čarhovych sankcyj suprać Rasii. U japonskim uradzie patłumačyli heta rašeńnie žadańniem pranazirać za dziejańniami Maskvy.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?