fota Radyjo Svaboda

fota Radyjo Svaboda

U Minskim abłasnym sudzie pačaŭsia praces nad byłym hiendyrektaram kampanii «Barysaŭdreŭ» Uładzimiram Malcavym. Vyhladaŭ jon žudasna: pad vačyma vyraznyja siniaki.

Malcava abvinavačvajuć pavodle 424 artykuła Kryminalnaha kodeksa — złoŭžyvańnie słužbovymi paŭnamoctvami z naniasieńniem asabliva vialikaj škody.

Pavodle śledstva, hetaja škoda skłała kala 18 miljardaŭ rubloŭ (1,8 młn dalaraŭ).

Sudzić Malcava sudździa Valancin Vierdyš, abaraniaje advakat Źmicier Haračka.

«Źjaŭlajučysia hiendyrektaram, dziejničajučy nasupierak intaresam słužby i praz asabistuju zacikaŭlenaść, ździejśniŭ šerah złoŭžyvańniaŭ słužbovymi paŭnamoctvami.

Tak, pry vybary pastaŭščyka abstalavańnia Uładzimir Malcaŭ nie adchiliŭ prapanovu tureckaj kampanii «Piersiej», abstalavańnie jakoj nie adkazvała ŭsim nieabchodnym patrabavańniam», — cytuje BiełTA dziaržaŭnaha abvinavaŭcu.

Kryminalnaja sprava za złoŭžyvańnie słužbovymi paŭnamoctvami – dalnija adhałoski raznosu, jaki ŭčyniŭ Alaksandr Łukašenka, naviedaŭšy «Barysaŭdreŭ» 7 listapada 2013 hoda. Tady jon adchiliŭsia ad prapanavanaha maršruta i ŭbačyŭ na pradpryjemstvie nieprybranuju terytoryju.

Ad pasadaŭ byli adchilenyja hubiernatar Minskaj vobłaści Barys Batura, namieśnik kiraŭnika Administracyi prezidenta Andrej Tur, a taksama kiraŭnik «Biellespapierprama» Alaksandr Pierajasłaŭcaŭ.

Rabotniki zavoda i prostyja haradžanie adzinahałosna padtrymlivali maładoha dyrektara, ale ŭ vyniku mienavita jon moža stać krajnim.

Malcaŭ znachodzicca pad vartaj z 13 sakavika. Padčas śledstva byŭ nakładzieny aryšt na jaho majomaść. Ahułam naličyli mienš čym $40 tysiač, heta cana nievialikaj kvatery ŭ Barysavie i aŭtamabila.

U čym vinavaciać byłoha dyrektara? «Pry vybary pastaŭščyka abstalavańnia Malcaŭ nie adchiliŭ prapanovu tureckaj kampanii «Piersiej», abstalavańnie jakoj nie adkazvała nieabchodnym patrabavańniam. Pry hety jon, — razumiejučy straty, jakija nanosiacca pradpryjemstvu, — nie razhledzieŭ inšych udzielnikaŭ konkursa. Kali tureckaja kampanija pačała zaciahvać terminy pastaŭki abstalavańnia, Malcaŭ nie zrabiŭ krokaŭ u adkaz. A paśla zaklučyŭ z kampanijaj damovu na mantaž abstalavańnia, choć taja nie mieła dazvołu na hety vid pracaŭ», — zajaviŭ dziaržaŭny abvinavaŭca.

Malcaŭ nie pryznaŭ svaju vinu, patłumačyŭ, što ŭ jaho dziejańniach nie było asabistaj zacikaŭlenaści.

Pra situacyju z turkami Malcaŭ raskazvaŭ jašče hod tamu ŭ efiry ANT. Pa jahonych słovach, turki byli adzinymi achvotnymi padradčykami.

Za złoŭžyvańnie słužbovymi paŭnamoctvami Uładzimiru Malcavu pahražaje da 10 hadoŭ pazbaŭleńnia svabody z kanfiskacyjaj majomaści.

Na pytańnie, ci zhodny Malcaŭ ź videazdymkaj padčas pracesu (pra heta prasili dziaržaŭnyja telekanały), jon adkazaŭ, što ŭ pryncypie nie suprać, ale miarkuje, što jany buduć skažać fakty i takim čynić cisk na sudździu». U vyniku zdymki padčas pracesu zabaranili.

Malcaŭ nie pryznaŭ siabie vinavatym. Sud pastanaviŭ pačynać sudovaje śledstva z dopytu śviedak i pieranios pasiadžeńnie na zaŭtra.

Advakat Źmicier Haračka nie staŭ tłumačyć fizičny stan svajho padabaronnaha, spasłaŭšysia na prafiesijnuju etyku. A sam Malcaŭ asobna nie prasiŭ jaho raskazać hramadskaści ab pryčynach svajho vyhladu.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?