Padčas ruchu pryčep traktara začapiŭ piešachoda: toj pazbaviŭsia nosa i trapiŭ u reanimacyju. Što stała pryčynaj DTZ, vyśviatlajecca.

41-hadovy kiroŭca traktara «Biełarus» z pryčepam dla pieravozki žyvioły jechaŭ dniom 22 vieraśnia pa vulicy Viasiołaj ŭ vioscy Klejniki. Kala 14.50 kala doma № 19 jon, pavodle papiaredniaj viersii abłasnoj DAI, začapiŭ pryčepam piešachoda, jaki stajaŭ na krai darohi.

U vyniku 35-hadovy paciarpieły atrymaŭ zakrytuju čerapna-mazhavuju traŭmu, traŭmatyčnyja paškodžańni kaściej tvara i amputacyju nosa. Ź miesca zdareńnia jaho dastavili ŭ reanimacyjnaje adździaleńnie balnicy.

Jak patłumačyŭ kiroŭca traktara, udaru jon nie adčuŭ. Traktaryst na momant DTZ byŭ ćviarozy, stan paciarpiełaha viaśviatlajecca.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?