Zdareńnie adbyłosia 20 vieraśnia kala pałovy dvanaccataj nočy, paviedamiła pres-słužba abłasnoj milicyi.

Vypadak adbyŭsia ŭ padjeździe adnaho z damoŭ pa praśpiekcie Klackova. Žančyna čakała lift, a kali dźviery adčynilisia, to ź jaho vyjšli dźvie dziaŭčyny (1998 h.n.).

Achviara nacisnuła patrebnuju knopku, ale adna z napadnic raptam pastaviła nahu pamiž dźviarej.

Niepraciahły dyjałoh — ci jość u jaje hrošy — skončyŭsia prymianieńniem fizičnaj siły. Ad šturška ŭ śpinu paciarpiełaja stuknułasia hałavoj ab parenčy,

paśla čaho jaje ŭziali za vałasy i stali ciahnuć pa leśvicy da lifta, nanosiačy pry hetym ŭdary pa hałavie.

Sproba źbiehčy skončyłasia biespaśpiachova — dziaŭčyna pavaliłasia na ziamlu, jaje niekalki razoŭ udaryli nahami pa tvary.

Inšaja napadnica, jakaja nie prymała ŭdzieł u źbićci, vyrvała ŭ achviary sumačku z kašalkom, u jakim było kala 1 młn rubloŭ, załaty piarścionak, mabilnik i parason.

Padazravanych udałosia zatrymać «pa haračych śladach». 

Jak paviedamiła načalnik ISN Kastryčnickaha RAUS Hrodna major milicyi Dyjana Aleščyk, padazravanych adpravili dla prachodžańnia miedycynskaha ahladu. Dziaŭčyna, jakaja źbivała paciarpiełuju ad ahladu admoviłasia, a ŭ jaje siabroŭki akazałasia 0.2% ałkaholu ŭ vydychanym pavietry. Vyśvietliłasia, što admoviŭšajasia ad ekśpiertyzy dziaŭčyna užo znajomaja ź miedustanovaj i staić na ŭliku ŭ doktara-narkołaha, i taksama na prafiłaktyčnym uliku ŭ inśpiekcyi pa spravach niepaŭnahadovych za raśpićcio piva ŭ hramadskim miescy. A da taho, jak ździejśnić rabavańnie, dziaŭčaty znoŭ vypili piva.

U dačynieńni da siabrovak raspačata kryminalnaja sprava pa č.2 art. 206 KK RB (Rabavańnie, złučanaje z hvałtam, nie niebiaśpiečnym dla žyćcia abo zdaroŭja paciarpiełaha, albo z pahrozaj prymianieńnia takoha hvałtu).

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?