Unačy 26 kastryčnika Biełaruś moža kančatkova pierajści na zimovy čas pa prykładzie susiedniaj Rasii. Hetaje pytańnie zaraz znachodzicca na razhladzie ŭ Saviecie ministraŭ.

Kančatkovaje rašeńnie pakul nie pryniata, paviedamili TUT.BY u Dziaržstandarcie.

Pryniaćcie ŭ RF čarhovaha zakona ab pieravodzie hadzińnikaŭ nie mahło zastacca niezaŭvažanym u Biełarusi, raspaviała kiraŭnik pres-słužby Dziaržaŭnaha kamiteta pa standartyzacyi Tamara Burdukievič.

«My majem dastatkova ciesnyja ekanamičnyja i palityčnyja suviazi z Rasijaj, tamu ŭ respublicy ciapier abmiarkoŭvajecca hetaje pytańnie. Ci buduć uniesieny niejkija źmieny ŭ toj časovy paradak, jaki my pryniali ŭ 2011 hodzie, pakul nieviadoma».

22 lipienia Uładzimir Pucin padpisaŭ zakon, zhodna ź jakim vosieńniu 2014 hoda ŭ bolšaści subjektaŭ RF hadzińniki pieraviaduć na hadzinu nazad, i ŭ dalejšym siezonny pieravod strełak ažyćciaŭlacca nie budzie. Rasijanie buduć žyć pavodle zimovaha času.

Biełaruś śledam za Rasijaj nie pieravodzić strełki z 2011 h.,

tamu ŭ pieryjad z kanca kastryčnika pa kaniec sakavika roźnica ŭ časie pamiž Minskam i Vilniaj składaje adnu hadzinu, a pamiž Minskam i Varšavaj (Bierlinam, Rymam) — dźvie hadziny.

Kali Biełaruś u kastryčniku piarojdzie na zimovy čas, to roźnica pamiž Minskam i Jeŭropaj pa kaniec sakavika zastaniecca ŭ adnu hadzinu.

Клас
Панылы сорам
Ха-ха
Ого
Сумна
Абуральна