Uvoz miasa-małočnaj pradukcyi ŭ ES abkładajecca vysokimi štrafami.
Pra ŭzmacnieńnie mytnaha kantrolu na miažy Biełarusi z Polščaj na pradmiet miasa i małaka paviedamiła ŭ redakcyju čytačka sajta charter97.org.
«Pravadnica pierad prachodžańniem miažy papiaredziła, što ciapier palaki štrafujuć za ŭvoz miasnych i małočnych praduktaŭ i skazała žančynie ŭ kupe vykinuć butelku z małakom», — raspaviała jana.
Žurnalist charter97.org źviarnuŭsia za tłumačeńniami ŭ mytny kamitet Polščy. Pres-sakratar mytni ŭ Biełastoku Maciej Čarniecki patłumačyŭ, što zabarona na ŭvoz praduktaŭ žyviolnaha pachodžańnia isnuje ŭžo daŭno i pieryjadyčna na roznych pamiežnych pierachodach uźnikajuć situacyi, kali ludzi chavajuć pravoz hetych praduktaŭ. U takich vypadkach sapraŭdy ŭžyvajecca pakarańnie ŭ formie štrafu.
«Pamiery štrafu składajuć ad 168 złotych (550 tysiač rubloŭ) da 3360 złotych (11 miljonaŭ rubloŭ). Heta zaležyć ad situacyi, ad abjomaŭ pradukcyi i hetak dalej», — paviedamiŭ jon.
