Jeŭrapiejskaja kamisija prapanuje Ukrainie i Rasii padpisać časovy hazavy kantrakt da kančatkovaha rašeńnia Stakholmskaha arbitražu, dla taho, kab stabilna prajści zimovy pieryjad 2014-2015 hadoŭ.

Ab hetym pa vynikach pasiadžeńnia Savieta ministraŭ Enierhietyčnaj supolnaści ŭ Kijevie zajaviŭ vice-prezident Jeŭrapiejskaj kamisii pa pytańniach enierhietyki Hiunter Etynhier.

«Ideja zaklučajecca ŭ tym, kab znajści pramiežkavaje rašeńnie (u hazavaj sprečcy Ukrainy i Rasii)… zaklučyć pramiežkavy kantrakt na peŭnyja abjomy hazu, jaki pavinien być pastaŭleny «Hazpromam» «Naftahazu» pa pramiežkavaj canie», — skazaŭ jon.

Pavodle jaho słovaŭ, kančatkovaje ž rašeńnie pa canie hazu dla Ukrainy prymie rašeńnie Stakholmski arbitraž, kudy «Naftahaz» u červieni biahučaha hoda padaŭ pazoŭ da «Hazpromu».

Taksama Etynhier dadaŭ, što hetaje časovaje rašeńnie nieabchodna dla taho, kab stabilna prajści budučy zimovy pieryjad.

Jak paviedamlałasia, u siaredzinie červienia Nacyjanalnaja akcyjaniernaja kampanija «Naftahaz Ukrainy» padała pazoŭ da rasijskaha hazavaha manapalista «Hazprom» u Arbitražny instytut pry handlovaj pałacie Stakholma z metaj, u pieršuju čarhu, ustanaŭleńnia spraviadlivaj i rynkavaj cany na haz, jaki «Hazprom» moža pastaŭlać va Ukrainu. Akramia pierahladu cany ŭ zajavie «Naftahaza» ŭtrymlivajecca patrabavańnie da «Hazpromu» viarnuć $6 młrd, jakija ŭkrainskaja kampanija pierapłaciła z 2010 hoda.

Taksama 16 červienia «Hazprom» padaŭ sustrečny pazoŭ da «Naftahazu» u Stakholmski arbitraž z patrabavańniem spahnać zapazyčanaść u pamiery $4,5 młrd za pastaŭleny raniej haz.

Pieramovy pa ŭrehulavańni cenavaj sprečki pamiž «Hazpromam» i «Naftahazam» pačalisia ŭ pačatku maja 2014 hoda ŭ trochbakovym farmacie — Ukraina, Rasija i Jeŭrapiejski Sajuz. U chodzie pieramoŭ Rasija prapanavała Ukrainie haz pa canie 385 dalaraŭ za tysiaču kubamietraŭ z ulikam źnižki ŭ 100 dał. Adnak premjer-ministr Ukrainy Arsień Jacaniuk paviedamiŭ, što Ukraina admoviłasia ad prapanovy «Hazproma», pakolki novy košt budzie ŭstaloŭvacca rasiejskim uradam, jaki moža ŭ luby momant admianić hetuju źnižku. Taksama Jacaniuk zajaviŭ, što Ukraina nastojvaje na canie hazu ŭ $268 za tys. kubamietraŭ — canie, pa jakoj rasiejski haz pradavaŭsia Ukrainie na praciahu pieršaha kvartała 2014 hoda.

Patrabavańni Ukrainy taksama zaklučajucca ŭ tym, kab adyści ad tradycyjnaha miechanizmu farmiravańnia Rasijaj cany na haz — šlacham pradastaŭleńnia skidak, za jakija Kreml, jak praviła, patrabuje palityčnyja sastupki z boku ŭkrainskaha ŭrada. «Naftahaz» nastojvaje na vyklučna rynkavych padychodach «Hazproma» da farmavańnia cany na paliva.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?