Sud Jeŭrasajuza ŭ Luksiemburhu adchiliŭ pazoŭ namieśnika staršyni Centrvybarkama Biełarusi Vadzima Ipatava ab vyklučeńni jaho z sankcyjnaha śpisu ES. Takoje rašeńnie było pryniata 23 vieraśnia, paviedamlajecca na aficyjnym sajcie suda Jeŭrasajuza.
Jak adznačajecca ŭ materyjałach spravy, Saviet ES uklučyŭ Ipatava ŭ sankcyjny śpis na padstavie taho, što, jak namieśnik kiraŭnika CVK, jon «niasie adkaznaść za parušeńni mižnarodnych vybarčych standartaŭ padčas prezidenckich vybaraŭ 19 śniežnia 2010 hoda».
Pavodle mierkavańnia suda, pry ŭklučeńni Ipatava ŭ sankcyjny śpis jaho pravy na abaronu parušany nie byli, a Saviet ES pryvioŭ dastatkova dokazaŭ abhruntavanaści ŭklučeńnia Ipatava ŭ čorny śpis.
Varta adznačyć, što siońnia ž sud ES pastanaviŭ vyklučyć z sankcyjnaha śpisu biełaruskaha žurnalista, supracoŭnika ONT Alaksieja Michalčanku. U rašeńni suda skazana, što pry pradaŭžeńni dziejańnia sankcyj u dačynieńni da Michalčanki ŭ 2012 hodzie Saviet ES parušyŭ prava žurnalista na abaronu, bo źmianiŭ farmuloŭki pryčyn uniasieńnia jaho ŭ sankcyjny śpis, ale nie apaviaściŭ jaho pra heta.
Akramia taho, adznačajecca ŭ rašeńni suda, pradstaŭlenyja Savietam ES dakumienty nie paćviardžajuć, što Michalčanka źjaŭlaŭsia nastolki ŭpłyvovym žurnalistam u biełaruskich ŚMI, što moh by nieści niejkuju adkaznaść za falsifikacyi na vybarach ci represii.
