Va ŭstanovach sudova-miedycynskaj ekśpiertyzy čatyroch prylehłych da zony ATA abłaściej znachodziacca bolš za tysiaču cieł zahinułych, 552 ź jakich pakul nie identyfikavanyja.
Pra heta paviedamiŭ namieśnik staršyni Dnieprapiatroŭskaj abłasnoj dziaržaŭnaj administracyi Śviatasłaŭ Alejnik padčas pašyranaha pasiadžeńnia kaardynacyjnaha centra pa dapamozie paciarpiełym u zonie ATA.
Pavodle źviestak departamienta achovy zdaroŭja Danieckaj abłdziaržadministracyi, praź biuro sudmiedekśpiertyzy za čas uzbrojenaha kanfliktu prajšli cieły bolš za 1,3 tysiačy zahinułych.
Raźvitańnie ŭ Dnieprapiatroŭsku
U aŭtorak, 23 vieraśnia, u Dnieprapiatroŭsku pachavali 21 nieviadomaha ŭkrainskaha sałdata.
«My nie viedajem, chto jany: kadravyja vajskoŭcy, mabilizavanyja abo dobraachvotniki. Ale siońnia heta nie maje nijakaha značeńnia. Dla ŭsich nas heta abaroncy. Ludzi, jakija pakłali svajo žyćcio, kab vajna nikoli nie pryjšła ŭ naš horad», — adznačyŭ u čas panichidy namieśnik dnieprapiatroŭskaha hubiernatara Barys Fiłataŭ.
«Ja b nie nazyvaŭ hetych vajskoŭcaŭ nieviadomymi sałdatami. My nazyvajem ich «časova niavyznačanymi». Kožny z našych siońniašnich abaroncaŭ, ź jakim raźvitvajemsia z bolem u sercy, znojdzie svajo imia. I my napišam na abielisku imia kožnaha», — paabiacaŭ Barys Fiłataŭ.
