U pieršym matčy druhoj vyjaznoj sieryi ŭ novym siezonie KCHŁ 23 vieraśnia minskaje «Dynama» vyjhrała ŭ nižaharodskaha «Tarpieda» ŭ aviertajmie — 2:1 (0:0, 1:1, 0:0, 1:0).
U «Dynama» šajby zakinuŭ Dźmitryj Mialeška (25.33, asistenty — Ilja Šynkievič, Alaksandr Kułakoŭ; 63.39, pas — Alaksandr Kułakoŭ).
«Dynama» sustrakałasia z «Tarpieda» 20 vieraśnia ŭ zaklučnym matčy damašniaj sieryi. Minski kłub taksama byŭ macniejšy — 3:0.
Paśla 8 hulniaŭ «Dynama» z 14 ačkami zajmaje piataje miesca ŭ Zachodniaj kanfierencyi, atrymaŭšy 3 pieramohi ŭ asnoŭny čas, 2 — u aviertajmie i źviedaŭšy 2 paražeńni ŭ asnoŭny čas i 1 pa bulitach (roźnica šajbaŭ 23-22).
Nastupnyja try matčy «Dynama» taksama praviadzie na vyjeździe: 25 vieraśnia — z čarapavieckaj «Sievierstallu», 27-ha — z maskoŭskim CSKA, 29-ha — z bracisłaŭskim «Słovanam».