Žanr: fantastyka, tryler, detektyŭ
Režysior: Ues Boł
U rolach: Dziłan O'Brajen, Amł Amin, Ki Chonh Li, Błejk Kupier, Tomas Senhsar, Uił Paŭłter, Dekstar Darden.

Padletak Tomas traplaje ŭ miesca, atočanaje kamiennymi ścienami łabirynta, dzie začynienyja 60 inšych padletkaŭ.

Junaki try hady sprabujuć znajści vyjście adtul, ale nie mohuć hetaha zrabić, bo kanstrukcyja mianiajecca kožny dzień. Da taho ž, łabirynt nasialajuć žudasnyja pačvary-hryviery, jakija zabivajuć kožnaha, chto nie schavajecca paśla zachodu sonca. Tomas — adziny, chto navažvajecca zabić hryviera. Adziny, u kaho atrymlivajecca vyžyć u łabiryncie nočču, kab raskryć jaho tajamnicu.

Film źniaty pa matyvach adnajmiennaj knihi Džejmsa Dešniera, pieršaj častki tryłohii pra Tomasa i padletkaŭ, jakija akazalisia achviarami čužoj hulni.

Film atrymaŭsia nie mienš zachaplalny, čym kniha. Siužet trymaje ŭ napružańni, jaho detali raskryvajucca pakrysie. Tut namiašana ŭsiaho: postapakaliptyčnaja katastrofa, śmiarotny virus, žorstki ekśpierymient, antyŭtapičny śviet, hiermietyčny siužet. Paasobku — ničoha novaha, ale razam składajecca dobra stylizavanaja, zachaplalnaja stužka pra padletkaŭ u niezvyčajnaj situacyi, jakija vymušanyja dziejničać razam, kab razam vyžyć.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?