11 kastryčnika ŭ Vilni adbudziecca kancertnaja prezientacyja alboma Lavona Volskaha «Hramadaznaŭstva». Heta redkaja mahčymaść ŭbačyć vialiki elektryčny vystup muzyki z novym dyskam i najlepšymi pieśniami za ŭsiu karjeru.
Kancert budzie zapisvacca na aŭdyjo i videa prafiesijnaj kamandaj. Ale hałoŭnuju rolu ŭ stvareńni videaviersii majuć adyhrać hledačy, jakich zaprašajuć zdymać kancert i ŭsio vakoł jaho na ŭłasnyja fota- i videakamiery, telefony.
– Heta cikavy ekśpierymient, jaki maje na mecie pakazać vystup z boku hledačoŭ, dadać u pracu prafiesijanałaŭ jak maha bolš niepasrednaj emocyi i atmaśfiery kancertu, – tłumačyć Lavon Volski.
– Ja zaprašaju ŭsich uziać z saboj usie mahčymyja karty pamiaci i akumulatary. Zdymajcie cikavyja momanty padarožža ŭ Vilniu, zdymajcie kancert, zdymajcie paśla jaho, a potym dasyłajcie nam materyjał, – tłumačyć litoŭskaja režysiorka Maryja Mieskavajte, jakaja kiruje stvareńniem videaviersii.
Vynikovyja materyjały možna dasyłać praź internet u vyhladzie spasyłak na zapampavanyja fajły na adras [email protected], albo prynosić na dyskach u ofis ahiencyi «Šabli».
U pieršym adźzialeńni całkam prahučyć albom «Hramadaznaŭstva» (11 piesień), u druhim – bolš za 20 lepšych piesień prajektaŭ z udziełam Lavona Volskaha, siarod jakich šmat chitoŭ, napisanych im dla N.R.M., a taksama «Mroi», Zet i inš.
Kvitki jašče jość u prodažy ŭ ahiencyi «Šabli» (biaspłatnyja vizy, papiaredniaja rehistracyja nie patrebna) i TicketPro (bieź vizavaj padtrymki). Košt: 350 tys. rub. (tancpoł), 500-700 tys. rub (parter). Aŭtobusny tur Minsk-Vilnia-Minsk – 500 tys. rub. Infalinija (033) 6555596.
Vizavaja i inšaja dadatkovaja infarmacyja – tut.
Čytajcie taksama:
Novy albom Lavona Volskaha «Hramadaznaŭstva» — całkam u internecie
