U vioscy Kažan-Horadak Łuninieckaha rajona 23 vieraśnia kala 20.40 zahinuŭ piešachod, na jakoha najechali dva aŭtamabili.
Jak paviedamiła načalnik adździaleńnia pa ahitacyi i prapahandzie DAI UUS Bresckaha abłvykankama Natalla Sacharčuk, spačatku na 45-hadovaha miascovaha žychara ŭčyniŭ najezd aŭtamabil «Kija-Karens», jakim kiravaŭ 45-hadovy adnaviaskoviec.
Pavodle papiarednich źviestak, piešachod z rovaram pačaŭ pierachodzić prajeznuju častku vulicy Himbatava źleva naprava pa chodzie ruchu minivena ŭ niepasrednaj blizkaści ad jaho.
Ad udaru piešachod upaŭ na darohu i na jaho najechaŭ «Ford-Tranzit», jaki ruchaŭsia ŭ sustrečnym napramku. Za rulom «Forda» znachodziŭsia 21-hadovy žychar vioski Cna.
Ad atrymanych traŭm piešachod pamior na miescy. Jon nie byŭ abaznačany śviatłoadbiŭnymi elemientami, chacia jany byli na rovary, jaki vioŭ piešachod.
Jak dapoŭniła Sacharčuk, jašče adno DTZ z udziełam piešachoda adbyłosia 23 vieraśnia ŭ 20.10 u Baranavickim rajonie. Na aŭtadarozie Baranavičy — Ucios 33-hadovy žychar Baranavičaŭ, kirujučy aŭtamabilem «Folksvahien-Džeta», učyniŭ najezd na nieabaznačanaha śviatłoadbiŭnymi elemientami 36-hadovaha žychara vioski Ucios, jaki lažaŭ na prajeznaj častcy. Mužčyna z zakrytaj čerapna-mazhavoj traŭmaj, pierałomam asnovy čerapa, zakrytym pierałomam vierchniaj treci pravaha ściahna źmieščany na lačeńnie ŭ Baranavickuju haradskuju balnicu.
Pa fakcie hetych DTZ pravodziacca pravierki.
