Šmathadovy lidar aficyjnych prafsajuzaŭ Leanid Kozik sabraŭsia ŭ adstaŭku.
Pra jaje jon paviedamiŭ aktyvu Fiederacyi prafsajuzaŭ Biełarusi (FPB) u minuły paniadziełak. Infarmacyju pra heta TUT.BY paviedamili niekalki nie źviazanych adzin z adnoj krynic.
«Leanid Piatrovič u paniadziełak sabraŭ aktyŭ fiederacyi i abviaściŭ, što pakidaje svaju pasadu», — skazaŭ adzin z surazmoŭcaŭ.
U Fiederacyi prafsajuzaŭ Biełarusi nie kamientujuć źviestak ab adstaŭcy svajho lidara. Leanid Kozik byŭ niedastupny dla kamientaroŭ pa mabilnym telefonie.
Kozik uznačalvaje Fiederacyju prafsajuzaŭ Biełarusi z 2002 hoda. Jaho pryznačeńnie adbyvałasia z adabreńnia Alaksandra Łukašenki.
66-hadovy uradženiec Barysava da hetaha niepraciahły čas byŭ vice-premjeram i namieśnikam kiraŭnika Administracyi prezidenta. Z 1995 da 1998 hoda pracavaŭ u strukturach SND i Sajuznaj dziaržavy Rasii i Biełarusi. Pracoŭny šlach pačynaŭ z pamočnika prakurora, staršyni prafkama BATE, dyrektaram šviejnaj fabryki ŭ Barysavie.
