Supracoŭniki Jeŭrapoła — palicejskaj słužby Jeŭrasajuza — u chodzie apieracyi suprać arhanizavanaj złačynnaści zatrymali bolš za tysiaču čałaviek.
Jak zajaviŭ dyrektar Jeŭrapoła Rob Uejnrajt, heta była najbujniejšaja apieracyja suprać arhanizavanaj złačynnaści, jakaja kali-niebudź pravodziłasia ŭ Jeŭropie.
Jana była nakiravanaja suprać usich vidaŭ złačynstvaŭ, u tym liku narkahandlu, arhanizacyi nielehalnaj imihracyi, padatkovych parušeńniaŭ, padrobki hrošaj, kradziažoŭ.
Jak zajaviŭ Rob Uejnrajt, apieracyja naniesła «vielmi mocny ŭdar pa ŭsioj kryminalnaj infrastruktury Jeŭropy».
Dyrektar Jeŭrapoła paviedamiŭ, što ŭ vyniku pryniatych mier udałosia vyratavać 30 dziaciej z Rumynii, jakija mahli stać achviarami handlu ludźmi. Akramia taho, pa jaho słovach, była kanfiskavanaja značnaja kolkaść narkotykaŭ, u tym liku sotni kiłahramaŭ hierainu i kakainu.
