Zatrymanaja ŭ Niepale biełaruska Volha Kaptur 24 vieraśnia vylecieła na radzimu, paviedamili ŭ pres-słužbie MZS Biełarusi.
«Dziakujučy sumiesnym dziejańniam pasolstva Biełarusi ŭ Indyi i hanarovaha konsuła Niepała ŭ Respublicy Biełaruś u karotkija terminy było vyrašana pytańnie pa vyzvaleńni biełaruskaj hramadzianki. Pavodle rašeńnia suda jana aštrafavana za parušeńnie mihracyjnaha zakanadaŭstva i za znachodžańnie na terytoryi Niepała biez sapraŭdnaj vizy. Paśla vypłaty ŭsich štrafaŭ biełaruskaja hramadzianka viečaram 24 vieraśnia vylecieła ŭ Biełaruś», — paviedamili ŭ MZS.
Raniej paviedamlałasia, što 25-hadovaja Volha Kaptur z Žodzina pryjechała ŭ Niepał u jakaści vałanciora i vykładčyka anhlijskaj movy dla sacyjalna-adukacyjnaha prajekta Schoolfornepal. 14 vieraśnia jana płanavała vylecieć u Kitaj, adnak była zatrymana ŭ aeraporcie Katmandu i źmieščana ŭ turmu.
Pryčynaj zatrymańnia stali dakumienty dziaŭčyny: jana samastojna vypraviła daty dziejańnia svajoj vizy, što pryciahnuła ŭvahu pahraničnikaŭ. Na takuju niezakonnuju praceduru, jak paviedamlajecca, Kaptur pajšła z-za taho, što siezon daždžoŭ i błakavanaja daroha pieraškodzili joj pakinuć krainu va ŭstanoŭleny termin.
