Prezident ZŠA Barak Abama zajaviŭ, što Amieryka moža admianić sankcyi suprać Rasii, kali aficyjnaja Maskva źmienić svaju pazicyju ŭ dačynieńni da Ukrainy.
Pra heta jon zajaviŭ padčas svajho vystupu na siesii Hienasamblei AAN.
«Dziejańni Rasii va Ukrainie parušyli paradak, jaki skłaŭsia paśla Druhoj suśvietnaj vajny», — adznačyŭ amierykanski lidar.
Jon paabiacaŭ Kijevu padtrymku ŭ supraćstajańni z RF, adnak nie staŭ udakładniać ŭ pramovie padrabiaznaści taho, u čym budzie zaklučacca dapamoha. «Amieryka i partniory buduć padtrymlivać Ukrainu, — paabiacaŭ jon. — My prymusim Rasiju zapłacić canu za ahresiju».
Abama asobna padkreśliŭ, što ŭkraincy pavinny mieć prava vybirać šlach raźvićcia svajoj krainy.
Razam z tym Abama padkreśliŭ, što pakarańnie Rasii nie źjaŭlajecca biezalternatyŭnym.
«Jość inšy šlach, šlach dypłamatyi i miru, pačatak jakomu pakłała niadaŭniaje pieramirje. Kali Rasija abiare hety šlach, my hatovyja źniać našy sankcyi», — zajaviŭ prezident ZŠA.
Pavodle jaho słoŭ, hety varyjant dazvolić adnavić papiaredniuju rolu RF u śviecie i «zaprasić Rasiju da vyrašeńnia suśvietnych prablem».