U vychadnyja dni ŭ Biełarusi značna ŭzrastaje kolkaść złačynstvaŭ, jakija ŭčyniajucca ŭ śfiery siamiejna-bytavych adnosin,
paviedamiŭ namieśnik načalnika kafiedry administracyjnaha prava i kiravańnia orhanami ŭnutranych spraŭ fakulteta milicyi Akademii MUS Ivan Fiadčuk 24 vieraśnia ŭ Minsku na mižnarodnaj kanfierencyi «Raźvićcio i instytualizacyja miechanizmaŭ mižviedamasnaha ŭzajemadziejańnia ŭ śfiery procidziejańnia nasillu ŭ siam`i».
Kažučy pra raźmierkavańnie bytavych złačynstvaŭ pa časie sutak, śpiecyjalist adznačyŭ, što ich kolkaść uzrastaje z 18 da 24 hadzin, dasiahajučy pika kala paŭnočy.
Pavodle słoŭ Fiadčuka, pryblizna 60% złačynstvaŭ u bytavoj śfiery ŭčyniajecca ŭ haradach, u 88% vypadkaŭ — u žyłych pamiaškańniach.
Bolšaść złačynstvaŭ učyniajecca mužčynami (88%), ale ŭ toj ža čas u tracinie bytavych zabojstvaŭ i vypadkaŭ naniasieńnia ciažkich cialesnych paškodžańniaŭ vinavatyja žančyny, raskazaŭ śpiecyjalist.
Pavodle jaho mierkavańnia, asnoŭnymi faktarami, jakija ŭpłyvajuć na złačynnaść u bytavoj śfiery, ź`iaŭlajucca p`ianstva i biespracoŭje. Tak, u stanie ałkaholnaha ap`ianieńnia złačynstva ŭčyniajecca ŭ 77% vypadkaŭ.
29% złačynstvaŭ učyniajucca raniej asudžanymi ludźmi, jakija majuć niepahašanuju sudzimaść. 54% mužčyn-ahresaraŭ — biespracoŭnyja, 34% — pradstaŭniki rabočych prafiesij, 7% — piensijaniery. Žančyny-ahresary ŭ 40% vypadkaŭ ź`iaŭlajucca pradstaŭnikami rabočych prafiesij, u 38% — biespracoŭnymi, u 10% — znachodziacca na piensii, u 7% — u adpačynku pa dohladzie za dziciem.
U studzieni—žniŭni hetaha hoda zarehistravana 68 zabojstvaŭ na bytavoj hlebie, 117 naŭmysnych ciažkich cialesnych paškodžańniaŭ i 49 mieniej ciažkich cialesnych paškodžańniaŭ. Akramia taho, za hety pieryjad zarehistravana 347 vypadkaŭ naŭmysnaha pryčynieńnia lohkaha cialesnaha paškodžańnia, 225 vypadkaŭ katavańniaŭ, 579 — pahrozy zabojstvam, pryčynieńniem ciažkich cialesnych paškodžańniaŭ ci źniščeńniem majomaści.
U 2013 hodzie na bytavoj hlebie było ŭčyniena 98 zabojstvaŭ, 274 naniasieńni naŭmysnych ciažkich cialesnych paškodžańniaŭ i 101 — mieniej ciažkich cialesnych paškodžańniaŭ, a taksama zarehistravana 445 vypadkaŭ naŭmysnaha pryčynieńnia lohkaha cialesnaha paškodžańnia, 288 vypadkaŭ katavańniaŭ, 759 — pahrozy zabojstvam, pryčynieńniem ciažkich cialesnych paškodžańniaŭ ci źniščeńniem majomaści.
