Biełaruski vytvorca bializny i trykatažu Sierž vyjšaŭ na rynak Jeŭrasajuza. Na praciahu apošnich miesiacaŭ frančajzinhavyja kramy kampanii adčynilisia ŭ Talinie, Vienie, Rakviery i Druskininkai.
Pieršy krama ŭ krainie, jakaja ŭvachodzić Jeŭrasajuz, źjaviŭsia ŭ sakaviku ŭ estonskaj stalicy Talinie. U lipieni krama Serge adkryłasia ŭ Vienie, a ŭ kancy žniŭnia — u estonskaj Rakviery i litoŭskim Druskininkai.
Pa płanie raźvićcia ŭ biahučym hodzie Serge, vyjšaŭšy na rynak Jeŭrasajuza, źbirajecca adkryć kala 70 kram, i pa vynikach 2014 sietka pavinna vyraści da 300 handlovych abjektaŭ. Ciapier kampanija, jakuju ŭ 1996 hodzie zasnavaŭ biełaruski biznesmien Siarhiej Atroščanka, pradaje bializnu praz ułasnuju i frančajzinhavuju sietki ŭ Biełarusi, Rasii, Armienii, Małdovie, Kazachstanie, Tadžykistanie, Kyrhyzstanie, Ukrainie, Litvie, Estonii i Aŭstryi.
Frančajzinhavy biznes Serge raźvivaje z 2011 hoda. U hetym hodzie śpiecyjalizavanaje vydańnie Beboss upieršyniu ŭklučyła kampaniju ŭ top-100 frančajzinhavych prapanoŭ na rasijskim rynku. U Rasii kampanija prysutničaje ŭ amal 50 rehijonach, Serge zaniaŭ u rejtynhu 70-je miesca pa inviestycyjnaj pryvabnaści. Jak adznačajuć składalniki top-100, franšyzy aceńvalisia bolš čym pa 30 kryterach, u tym liku: uzrost kampanii, abjom inviestycyj, dynamika rostu sietki za apošnija try hady, kolkaść paŭtornych adkryćciaŭ isnujučymi partniorami, kolkaść začynienych pradpryjemstvaŭ, ahulnaja kolkaść adkrytych pradpryjemstvaŭ, hieahrafičnaja raspaŭsiudžanaść, siaredni čas akupnaści i inš.
U top-100 franšyzy ŭvajšła jašče adna kampanija ź Biełarusi — «Miłavica». Jana zaniała ŭ im 18-je miesca.
