Novy prajekt Siarhieja Michałka Brutto źmiaściŭ na svaim kanale na Youtube videa pad nazvaj «Pieršy źjezd Brutto». U im pakazany praces stasunkaŭ Michałka i jaho ciapierašniaha akružeńnia. Aproč śviežaśpiečanych spartsmienaŭ-śpievakoŭ i muzykaŭ, tut zaŭvažnyja hitaryst Pavieł Traćciak, hukarežysior Andrej Babroŭka, syn Siarhieja Michałka Pavieł, žurnalist Anton Kašlikaŭ.
U załach vialikaha doma-studyi Brutto pjuć kavu dy viaduć biasiedy ź siabrami, trenirujucca na maniekienach, hulajuć u mały tenis i biljard, smažać viehanskija dalikatesy, skačuć u basiejn i demanstrujuć svaje idealnyja tatujavanyja cieły. Naprykancy videa kampanija biare hitary i bajan i vydaje žartoŭnuju pieśniu pra «33 viasiołych atamanaŭ».
Nahadajem, 1 vieraśnia «Lapis Trubiackoj» raspaŭsia. A jaho lidar Siarhiej Michałok pradstaviŭ novy prajekt Brutto. Za 24 dni isnavańnia hurt vypuściŭ 2 klipy i debiutny albom «Underdog».
