Reuters.com
Kala saraka cieł mirnych žycharoŭ znojdzieny ŭ troch brackich mahiłach pad Danieckam, paviedamiŭ «premjer-ministr» samaabvieščanaj Danieckaj narodnaj respubliki Alaksandr Zacharčanka.
«Znachodzim jašče pachavańni, dakładnaja kolkaść brackich mahił pakul nieviadoma. U ich lažać mirnyja žychary, vajennapałonnyja apałčency i ŭkrainskija sałdaty», — cytuje Zacharčanku «Ruskaja słužba navin». Pavodle jaho słoŭ, pakul znojdziena try pachavańni, u adnym ź ich lažać cieły mirnych žycharoŭ, ich znajšli ŭžo kala 40, u dvuch inšych — cieły pałonnych apałčencaŭ i ŭkrainskich sałdat.
Pradstaŭniki bajevikoŭ miarkujuć, što zabojstvy mirnych žycharoŭ sprava ruk bajcoŭ Nachvardyi Ukrainy
— ukrainskija siłaviki znachodzilisia ŭ nasielenym punkcie Nižniaja Krynka z krasavika, danieckija bajeviki vybili ich adtul i zaniali viosku 21 vieraśnia.
U Kijevie heta admaŭlajuć.
Pradstaŭnik Rady nacyjanalnaj biaśpieki i abarony Ukrainy Andrej Łysienka paviedamiŭ, što ŭ hetym miescy «nivodny bajec Nacyjanalnaj hvardyi nikoli nie znachodziŭsia», ale byli inšyja padraździaleńni siłavikoŭ.
