U vioscy Lipavičy Čašnickaha rajona na pryvatnym padvorku ŭ niavoli ŭtrymlivajecca miadźviedź, paviedamleńnie pra heta pastupiła na telefon davieru Dziaržaŭnaj inśpiekcyi achovy žyviolnaha i raślinnaha śvietu.
Supracoŭniki Lepielskaj mižrajonnaj inśpiekcyi, jakija vyjechali na pravierku paśla sihnału, sapraŭdy znajšli na adnym z dvaroŭ zaniesienuju ŭ Čyrvonuju knihu Biełarusi žyviołu, jakaja znachodziłasia ŭ ciesnaj kletcy.
Na vyhlad miadźviedziu kala troch hadoŭ. Haspadar doma paviedamiŭ, što nabyŭ jaho ŭ palaŭničaj haspadarcy Doškšyckaj RAS RDHA «BTPR» z metaj stvareńnia žyvoha kutka. Pa słovach mužčyny, jon płanavaŭ zajmacca ahraekaturyzmam. Adnak nijakaj infrastruktury dla hetaha na ŭčastku stvorana nie było. Adsutničaŭ navat płot. Nie kažučy ŭžo pra valjery dla miadźviedzia. Nie byli aformlenyja i adpaviednyja dakumienty — dazvoł na ŭtrymańnie dzikaj žyvioły ŭ niavoli, paviedamlaje pres-słužba Dziaržaŭnaj inśpiekcyi achovy žyviolnaha i raślinnaha śvietu.
Taksama ździŭleńnie ŭ inśpiektaraŭ vyklikała i cana na miadźviedzia: zhodna z nakładnoj, jon byŭ nabyty usiaho za 1 młn rubloŭ. Palaŭničaja haspadarkak, jakaja i pradała miadźviedzia, sama tolki ŭ žniŭni atrymała ŭ Minpryrody dazvoł na jaho ŭtrymańnie — i ŭžo 12 vieraśnia pierapradali fizičnaj asobie. Pry hetym nie pierakanaŭšysia, što dla žyvioły stvorany narmalnyja ŭmovy.
Raźbiracca ŭ situacyi budzie Čašnickaja inśpiekcyja pryrodnych resursaŭ i achovy navakolnaha asiarodździa Minpryrody. Vierahodniej za ŭsio miadźviedzia viernuć u palaŭničuju haspadarku.