U Biełarusi pavyšany taryfy na pasłuhi elektrasuviazi, jakija akazvajucca fizičnym asobam, jurydyčnym asobam i indyvidualnym pradprymalnikam.
Adpaviednaje rašeńnie zaćvierdžana pastanovaj Minekanomiki ad 19 vieraśnia 2014 hoda № 66 i apublikavana na Nacyjanalnym pravavym internet-partale.
Štomiesiačnaja abaniemientnaja płata dla fizičnych asob za pieraviedzieny na pačasovuju apłatu telefon pavialičana na 19,7% da 17.650 rubloŭ. Pahadzinnaja płata za kožnuju poŭnuju abo niapoŭnuju chvilinu złučeńnia vyrasła na 19,9% da 44,6 rubla. Abaniemientnaja płata za nie pieraviedzieny na pahadzinnuju sistemu apłaty razmoŭ telefon składzie 24.950 rubloŭ (na 19,7% bolš). Chvilina mižharodnich telefonnych złučeńniaŭ u stacyjanarnaj sietcy składzie 89,4 (na 9,8% bolš).
Dla jurydyčnych asob štomiesiačnaja abaniemientnaja płata pavyšana na 17,5% da 21.500 rubloŭ za pieraviedzieny i 40.700 rubloŭ za nie pieraviedzieny na pačasovuju apłatu telefon. Pačasovaja płata za kožnuju poŭnuju abo niapoŭnuju chvilinu złučeńnia pavialičana na 23,3% da 74 rubloŭ. Chvilina mižharodnich telefonnych złučeńniaŭ składzie 105 rubloŭ (na 14,1% bolš).
Dakumient nabyvaje moc praź piać dzion paśla jaho aficyjnaha apublikavańnia.
Papiaredniaje pavyšeńnie było 1 žniŭnia hetaha hoda.
