U vieraśni ceny na bolšuju častku praduktaŭ u Łatvii źnizilisia, paviedamili Delfi.lv ŭ Centry pa sadziejničańni sielskahaspadarčamu rynku (CSSR).
«Źmiena cenaŭ na pradukty ŭ vieraśni źviazana hałoŭnym čynam ź siezonnymi źmienami i rasijskim embarha. Vierasień — heta čas zboru ŭradžaju harodniny, i ŭ hety pieryjad jana samaja tannaja. Ceny na jaje źniziła taksama vialikaja kankurencyja z harodninaj z Polščy, jakaja paśla zakryćcia rasijskaha rynku šukała novyja mahčymaści prodažaŭ», — skazała kiraŭnik CSSR Inhuna Hułbie.
Pa jaje słovach, źnizilisia ceny taksama i na małočnuju pradukcyju, što źviazana z padzieńniem koštaŭ na suśvietnym rynku i z rasijskim embarha. Ale ŭ dadzienym vypadku źnižeńnie cenaŭ nie takoje vialikaje, jak možna było čakać, i reakcyja handlovych sietak na hetuju situacyju vielmi roznaja.
Jak adznačyła Hułbie, ceny na pradukty ŭ Łatvii ŭ bližejšy čas, chutčej za ŭsio, praciahnuć źnižacca.
