Kiraŭnik Administracyi prezidenta Barys Łožkin časta telefanuje svajmu rasijskamu kalehu Siarhieju Ivanovu, kab zabiaśpiečyć pieramirje na Danbasie.
Pra heta raspavioŭ na pres-kanfierencyi prezident Ukrainy Piotr Parašenka.
«Ja mahu raskryć źmiest pieramovaŭ, jakija, nu kali nie kožny dzień, to praź dzień pravodziać Łožkin i Ivanoŭ. Kali my nie možam praz Hienštab damahčysia spynieńnia ahniu, kali nieabchodna palityčnaje ŭmiašańnie, to Barys Łožkin, kiraŭnik majoj administracyi, telefanuje Siarhieju Ivanovu, kiraŭniku administracyi Pucina, kab zrabić bolš efiektyŭnym spynieńnie ahniu», — raspavioŭ Parašenka.
«My nazyvajem kankretnuju kropku, kankretny abstreł, kankretnyja kroki, jakija my chacieli b, kab byli pryniaty. U bolšaści vypadkaŭ heta efiektyŭna», — zajaviŭ prezident.
«Kali dla taho, kab spynić ahoń, treba telefanavać — i Łožkin budzie telefanavać, i ja budu telefanavać», — dadaŭ jon.
