U Kitai ŭładalnika restarana padazrajuć u tym, što jon dadavaŭ opiumny mak u łokšynu i inšyja stravy, kab da jaho viartalisia kłijenty.
Vypadak, pra jaki pišuć kitajskija ŚMI, adbyŭsia ŭ horadzie Jańań. Darožnaja palicyja spyniła 26-hadovaha kiroŭcu Lu Džu dla pravierki na narkotyki. Jaho test na ŭtrymańnie apijataŭ u mačy vyjaviŭs stanoŭčym, i palicyja aryštavała maładoha čałavieka na 15 sutak.
Adnak Lu Džu zajaŭlaŭ, što nikoli ŭ žyćci nie ŭžyvaŭ narkotyki. Jon zapadozryŭ, što rezultat testa na narkotyki źviazany ź ježaj u restaranie spadara pa proźviščy Žanh.
Lu Džu paprasiŭ svajakoŭ pajeści ŭ restaranie Žanha i prajści test na apijaty. Stanoŭčyja vyniki testaŭ dali palicyi padstavu aryštavać Žanha.
Jak vyśvietliłasia, u žniŭni restaratar nabyŭ 2 kiłahramy makavych karobačak z nasieńniem, jakoje zmałoŭ u pudru i dadavaŭ u stravy.
Palicejskija ekśpierty tłumačać, što ŭ nieačyščanym nasieńni maku ŭtrymlivajecca dastatkovaja kolkaść narkatyčnych rečyvaŭ, jakija nakoplivajucca ŭ arhaniźmie i mohuć dać stanoŭčy vynik testa na apijaty. A pry doŭhaterminovym užyvańni hetaje nasieńnie moža navat vyklikać zaležnaść. Pradaviec «narkatyčnaj» łokšyny Žanh pryznaŭsia palicyi, što padmiešvaŭ mak u stravy, kab viartać kłijentaŭ da sabie i zrabić biznes bolš prybytkovym.
