Staršynia Fiederacyi prafsajuzaŭ Biełarusi Leanid Kozik padaŭ zajavu ab zvalnieńni, ale farmalna pakul zastajecca kiraŭnikom FPB. Ab hetym paviedamiła pres-sakratar fiederacyi Julija Fiadotava.

fota bymedia.net

fota bymedia.net

«Tak, mahu paćvierdzić, što Leanid Piatrovič 22 vieraśnia źviarnuŭsia ŭ Saviet FPB z prośbaj vyzvalić jaho ad pasady, — skazała jana. — Ale na hety momant jon źjaŭlajecca staršynioj, bo pasiadžeńnia savieta FPB jašče nie było. A paŭnamoctvy, zhodna sa statutam, ź jaho moža źniać tolki saviet».

Data praviadzieńnia savieta FPB pakul nieviadomaja, ale Leanid Kozik, pavodle słoŭ Fiadotavaj, «nastrojeny kateharyčna». «Hetaje rašeńnie ŭ jaho vyśpiavała daŭno. Jamu ŭžo 67-my hod, jak jon sam nieadnarazova adznačaŭ. Jon ličyć, što šmat zrabiŭ za hetyja 12 hadoŭ i abiracca na źjeździe na novy termin jon nie chacieŭ», — skazała pres-sakratar.

Fiadotava padkreśliła: Leanid Kozik vyrašyŭ zvolnicca ciapier, kab za astatni da nastupnaha źjezda FPB hod (jon namiečany na vierasień 2015 hoda) «ludzi zmahli pryhledziecca da novych kandydataŭ».

«Što da domysłaŭ u internecie (nazyvalisia viersii, što Kozika faktyčna prymusili syści), to Leanid Piatrovič škaduje, što nie ŭsie ludzi mohuć zrazumieć, što padobnyja rašeńni čałaviek moža prymać samastojna», — dadała pres-sakratar FPB. 

Leanid Kozik byŭ abrany staršynioj FPB letam 2002 hoda. Dahetul jon zajmaŭ šerah kirujučych pasad u orhanach biełaruskaj ułady i Sajuznaj dziaržavy Biełarusi i Rasii, pracavaŭ namieśnikam kiraŭnika Administracyi prezidenta.

Da prychodu Kozika FPB niejki čas usprymałasia ŭładami jak apazicyjnaja struktura: staršynia Fiederacyi prafsajuzaŭ Uładzimir Hančaryk udzielničaŭ u prezidenckich vybarach 2001 hoda jak adziny kandydat ad apazicyi. Kozika ličać staŭlenikam Łukašenki, jakomu nieabchodna było bačyć na čale najbujniejšaj hramadskaj struktury «svajho čałavieka». Sustrakajučysia z Kozikam pierad abrańniem na pasadu staršyni FPB u lipieni 2002 hoda Łukašenka, u pryvatnaści, zajaviŭ: kiraŭnictva krainy zacikaŭlena ŭ tym, kab prafsajuzy stali mocnaj arhanizacyjaj — adnoj z asnoŭ dziaržavy. Pry hetym Łukašenka padkreśliŭ, što prafsajuzy zaŭsiody mohuć raźličvać na padtrymku dziaržavy i asabista jaho jak prezidenta. 

Mienavita pry Koziku FPB atrymała prava vykarystoŭvać u svajoj naźvie nazvu dziaržavy, što zabaroniena inšym hramadskim strukturam. Zhodna z ukazam prezidenta ad 25 listapada 2002 hoda prafcentr nazyvajecca «Fiederacyja prafsajuzaŭ Biełarusi», tady jak raniej nazyvałasia «Fiederacyja prafsajuzaŭ Biełaruskaja». 

U 2003 hodzie Kozik vystupaŭ ź inicyjatyvaj ab praciahu terminu prezidenckich paŭnamoctvaŭ Łukašenki. Kamientujučy prapanovu prafsajuzaŭ Azierbajdžana pieraabrać Hiejdara Alijeva na nastupny prezidencki termin, Kozik, u pryvatnaści, zajaviŭ: «Tak, bačycie, Alijeva možna vyłučyć ich prafsajuzu, a nam nielha, ci što? Čamu… mnie kažuć: «Kozik, ty nie možaš?» Pryjdzie čas — ja taksama vyłuču našaha prezidenta abo prainicyjuju rašeńnie pa trecim, piatym tam terminie… Treba naohuł ubrać usie terminy. Nijakich terminaŭ nie pavinna być — čaho narod choča, toje narod robić». 

U lipieni 2011 hoda Kozik prapanavaŭ uručyć Alaksandru Łukašenku Nobieleŭskuju premiju ŭ halinie ekanomiki. «Ideja Alaksandra Łukašenki ab nieabchodnaści pabudovy sacyjalna aryjentavanaj dziaržavy zasłuhoŭvaje Nobieleŭskaj premii ŭ halinie ekanomiki. Projdzie dziasiatki dva hadoŭ, i ja ŭpeŭnieny, što sučasnyja ekanamisty sfarmulujuć matrycu ekanamičnych miechanizmaŭ, jakija dazvolać vyrašać zadačy takoha hramadstva», — zajaviŭ Kozik u intervju haziecie FPB «Biełaruski čas».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?