Prezident Ukrainy Piatro Parašenka vystupaje kateharyčna suprać uviadzieńnia miratvorcaŭ na terytoryju Ukrainy.
Pra heta jon skazaŭ padčas pres-kanfierencyi, adkazvajučy na pytańni žurnalistaŭ.
«Na terytoryi Ukrainy nijakich miratvorčych kantynhientaŭ nie budzie. Kropka», — zajaviŭ Parašenka.
Pavodle jaho słoŭ, miratvorčych kantynhientaŭ nie budzie, pakolki vopyt Prydniastroŭja i inšych «zamarožanych» kanfliktaŭ, dzie znachodziacca miratvorcy, pakazvaje na toje, što kraina hublaje suvierenitet na hetaj terytoryi.
Parašenka adznačyŭ, što budzie naziralnaja misija ABSIE. Na terytoryi Ukrainy ŭžo pracuje 500 naziralnikaŭ ABSIE.
U čaćvier, pa słovach Parašenki, prybyvajuć pieršyja bieśpiłotniki, jakija buduć vykarystanyja dla kantrolu za režymam spynieńnia ahniu i za advodam ciažkaj artyleryi, sistem załpavaha ahniu i inšych srodkaŭ paražeńnia za miežy ich limitavaj dalokaści.
Kantralavać hety praces budzie ABSIE.
«My dabjomsia taho, kab hety punkt užo padpisanych damoŭlenaściaŭ byŭ vykanany», — adznačyŭ Parašenka.
