Pieciarburhskija astranomy vyjavili novuju płanietu kala bližejšaj da Sonca zorki Alfa Centaŭra, paviedamlajuć infarmahienctvy.
Jana nie bačnaja ŭ teleskop, ale navukoŭcy zmahli matematyčna raźličyć jaje mahčymaje miescaznachodžańnie. Płanieta moža znachodzicca na adlehłaści 80 astranamičnych adzinak (adlehłaść ad Ziamli da Sonca) i abaročvajecca vakoł centra dvajnoj zorki z chutkaściu adzin abarot na 100 hadoŭ.
Pavodle dadzienych navukoŭcaŭ, płanieta raźmieščanaja pa-za zonaj žyćcia — dyjapazonu adlehłaści ad zorki, pry jakim na płaniecie moža znachodzicca vada, nie zamiarzajučy i nie vyparvajučysia.
Heta druhaja płanieta ŭ sistemie Alfa Centaŭra. Pieršuju vyjavili ŭ 2012 hodzie navukoŭcy Jeŭrapiejskaj paŭdniovaj absiervatoryi. Usiaho za 10 hadoŭ astranomy śvietu adkryli 1791 płanietu ŭ 110 pazasoniečnych płanietarnych sistemach.
