Krainy «Vialikaj siamiorki» i Jeŭrasajuz mohuć admianić sankcyi, kali Rasija budzie vykonvać damoŭlenaści, zaklučanyja ŭ Minsku 5 vieraśnia.
Pra heta paviedamlajecca ŭ sumiesnaj zajavie kiraŭnikoŭ MZS «Vialikaj siamiorki» i kiraŭnika jeŭrapiejskaj dypłamatyi.
«Sankcyi sami pa sabie nie samameta, jany mohuć być źniatyja tolki ŭ tym vypadku, kali Rasija vykanaje svaje abaviazacielstvy pa spynieńni ahniu, dasiahnutyja damoŭlenaści ŭ Minsku, a taksama budzie pavažać suvierenitet Ukrainy», — adznačajecca ŭ zajavie.
Pry hetym u dakumiencie padkreślivajecca, što Jeŭrasajuz i «Vialikaja siamiorka» mohuć uvieści novyja sankcyi, kali Rasija nie budzie ŭ poŭnaj miery vykonvać pałažeńni pahadnieńnia ab spynieńni ahniu na ŭschodzie Ukrainy.
Napiaredadni, 24 vieraśnia, pra hatoŭnaść źniać sankcyi z Rasii taksama zajaviŭ prezident ZŠA Barak Abama. Jon adznačyŭ, što heta adbudziecca, kali Maskva źmienić svoj kurs u adnosinach da Ukrainy.





