Chłopiec, jaki 25 vieraśnia sprabavaŭ pakončyć z saboj na stancyi minskaha mietro «Płošča Lenina», vučycca na pieršym kursie BNTU. Pra heta paviedamili va UMNS pa Minsku.
Taksama ŭ staličnym upraŭleńni dadali, što małady čałaviek naradziŭsia ŭ 1996 hodzie i pryjechaŭ vučycca ŭ Minsk z Barysava.
Z-za jaho sproby pakončyć z saboj surjoznych parušeńniaŭ u raskładzie ruchu ciahnikoŭ minskaha mietro nie było. Zatrymka skłała 4 chviliny.
Pravierku ŭsich abstavinaŭ zdareńnia pravodzić AUS pa achovie Minskaha mietrapalitena.
Jak paviedamlałasia, incydent adbyŭsia 25 vieraśnia ŭ 10.46. Chłopiec skoknuŭ pad nadychodziačy ciahnik. Mašynist užyŭ ekstranaje tarmažeńnie, praŭda, sutyknieńnia paźbiehnuć nie ŭdałosia. Ale małady čałaviek zastaŭsia žyvy i navat vybraŭsia na płatformu.