Bajcy, jakija ŭtrymlivajuć daniecki aeraport, adbili najmacniejšuju ataku bajevikoŭ.
Pra heta «Ukrainskaj praŭdzie» paviedamiŭ adzin z bajcoŭ, jaki znachodzicca ŭ aeraporcie.
«Učora z samaj ranicy i da ranicy siońniašniaha jany sprabavali nas atakavać. Łupili z čaho tolki možna: ź minamiotaŭ, Hradaŭ, haŭbic, tankami išli, piachotaj», — raspavioŭ jon.
«Jany amal kožny dzień nas abstrelvajuć i sprabujuć šturmavać, ale heta byŭ samy mocny šturm za ŭvieś čas», — dadaŭ bajec.
Pavodle jaho słoŭ, u sieradu ŭviečary padčas boju siłam ATA atrymałasia padbić minimum dva tanki bajevikoŭ, treci hareŭ, ale adyšoŭ.
«My bačyli, što ŭ ich vialikija straty, ale dakładnuju kolkaść nie viedajem. Što datyčycca našych strat, to za tydzień u nas troje paranienych. My staim!» — skazaŭ bajec.
