Jeŭrasajuz nie budzie ŭnosić źmieny ŭ pahadnieńnie ab asacyjacyi z Ukrainaj. Pra heta zajaviła na bryfinhu ŭ piatnicu, 26 vieraśnia, pres-sakratar Jeŭrakamisii Pija Arenkilde Chansen.

Raniej z patrabavańniem pierahledzieć pahadnieńnie vystupiŭ prezident Rasii Uładzimir Pucin.

«Što tyčycca Jeŭrapiejskaha sajuza, my nie źbirajemsia ŭnosić źmieny ŭ hetaje pahadnieńnie. A što tyčycca Ukrainy, jana suvierennaja i volnaja vybirać rašeńnie ŭ adpaviednaści sa svaimi intaresami i svaimi źniešnimi adnosinami», — zajaviła pradstaŭnik Jeŭrakamisii.

Pavodle jaje słoŭ, Jeŭrasajuz i Ukraina pracujuć nad realizacyjaj pahadnieńnia.

Chansien nahadała, što 12 vieraśnia na pieramovach na ministerskim uzroŭni pamiž Jeŭrapiejskim sajuzam, Rasijaj i Ukrainaj było vyrašana pieranieści časovaje prymianieńnie častki pahadnieńnia ab asacyjacyi, jakaja tyčycca pahadnieńnia ab ŭsioabdymnaj pahłyblenaj zonie svabodnaha handlu. Pa hetaj častcy pahadnieńnia Rasija i Ukraina damovilisia, što praciahnuć prymianiać pahadnieńnie ab prefierencyjalnym režymie handlu. Pa słovach pradstaŭnika Jeŭrakamisii, Pucin paćvierdziŭ heta ŭ telefonnaj razmovie z Barozu 15 vieraśnia.

Adterminoŭka dazvolić trom bakam abmierkavać zaściarohi, vykazanyja Rasijaj, adznačyła Chansen. Pry hetym jana nahadała, što pahadnieńni ab asacyjacyi i ab svabodnym handli źjaŭlajucca dvuchbakovymi. Pavodle jaje słoŭ, «luboje źmianieńnie ŭ ich pavinna prapanoŭvacca adnym z damoŭnych bakoŭ i atrymlivać zhodu inšaha boku».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?