Biełaruski Kalehijum zaprašaje 28 vieraśnia na siabroŭskuju vandroŭku «Miensk – horad mastactvaŭ» ź Siarhiejem Chareŭskim

Losy jakich słynnych mastakoŭ źviazanyja ź Mienskam? My pabačym adrasy, dzie žyli j pracavali tvorcy roznych epochaŭ:

Juzaf Pieška i Juzaf Aziambłoŭski, Valancin Vańkovič i Fierdynand Ruščyc i Michaił Kikoin, Chaim Sucin, Uładysłaŭ Streminski i Meir Aksielrod, Oskar Maryks i Natan Altman. Dzie byŭ praviedzieny pieršy ŭ SSSR publičny mastakoŭski perfomans? Dzie byŭ zabity mastak i vydatny rupliviec zachavańnia historyka-kulturnaj spadčyny, Lavon Barazna? Dzie adbyvalisia schody słavutaje supołki mastakoŭ-dysidentaŭ «Na paddašku»?

A taksama: losy hienijaŭ i złačyncaŭ, mienskija padziamielli j adrasy BNR, trahedyi j śviatyni.

Pravodzić mastactvaznaŭca i historyk architektury Siarhiej Chareŭski.

Zbor 28 vieraśnia (niadziela) a 10.30 la Ratušy (pł. Svabody 2A), la karety hubiernatara.

Praciah ekskursii – 2 h.30 chv.(z karekcyjaj na stan nadvorja).

Vandroŭka nie nosić kamiercyjnaha charaktaru. Udzieł u joj absalutna biaspłatny.

Zaprašajem usich achvotnych!

Клас
Панылы сорам
Ха-ха
Ого
Сумна
Абуральна