Niepadkantrolnyja ŭzbrojenyja farmavańni abstralali pazicyi ŭkrainskich vajskoŭcaŭ u rajonie nasielenych punktaŭ Frunzie, Bahdanaŭka, Piaski. Najbolš napružanaja situacyja skłałasia pablizu Debalcava (stratehična važny horad pamiž Danieckam i Łuhanskam).

Pra heta paviedamili ŭ pres-centry ATA.

«Bajeviki nieadnarazova abstrelvali błokpasty siłavikoŭ u Małaarłoŭcy, Papasaj, na kurhanie Vostraja Mahiła, šturmavali Niakišyna. Na dadzieny momant pazicyi ŭkrainskich vajskoŭcaŭ zastajucca pad kantrolem sił ATA», — padkreślili ŭ pres-centry.

U rajonie Maryupala siły ATA całkam kantralujuć situacyju, zabiaśpiečvajuć biaśpieku žycharoŭ prymorskaha horada. Taksama pad kantrolem sił ATA stratehičny abjekt — Daniecki aeraport.

Taksama ŭ pres-centry ATA padkreślili: bajeviki praciahvajuć nanosić škodu žycharam Danbasa i źniščać infrastrukturu rehijonu.

«Tak, u vyniku minamiotnaha abstrełu n.p. Ščaście z boku n.p. Viasiołaja hara, razburenyja haradskaja balnica i niekalki hramadzianskich zbudavańniaŭ, zahinuła 1 žančyna i paranienyja 16 miascovych žycharoŭ, ź ich troje — u ciažkim stanie», — havorycca ŭ paviedamleńni.

Razam z tym miascovyja žychary ŭ sacsietkach paviedamlajuć: u noč na subotu adbyłosia niekalki mahutnych napadaŭ na aeradrom Daniecka. U pryvatnaści, kala 23:00 była ździejśniena sieryja załpaŭ, vierahodna — z samachodnaha minamiota «Vasilok».

Taksama aeraport Daniecka atakavali ranicaj 27 vieraśnia z vykarystańniem «Hradaŭ».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?