U navučalnych ustanovach Mahilova 27 vieraśnia z 9.00 prachodzić hałasavańnie pa vybarach u haradski moładzievy parłamient. 

Jak paviedamili va ŭpraŭleńni adukacyi, sportu i turyzmu Mahiloŭskaha harvykankama, moładzievy parłamient farmirujecca pry Mahiloŭskim harsaviecie ŭ ramkach mižnarodnaj inicyjatyvy «Horad, družalubny dzieciam», da jakoj abłasny centr dałučyŭsia ŭ listapadzie 2013 hoda. 

«Meta stvareńnia moładzievaha parłamienta — raspracoŭka i realizacyja sacyjalnych prajektaŭ, dziciačych i moładzievych inicyjatyŭ», — paviedamili ŭ harvykankamie, adznačyŭšy, što ŭ jaho ŭvojduć 75 pradstaŭnikoŭ ad usich navučalnych ustanoŭ horada — siarednich škoł, VNU, SSNU i PTV. U vybarach biaruć udzieł usie navučency siarednich śpiecyjalnych i prafiesijna-techničnych navučalnych ustanoŭ, vučni 9—11-ch kłasaŭ škoł, studenty 1—3-ch kursaŭ mahiloŭskich univiersitetaŭ. 

Niahledziačy na toje, što siońnia adziny dzień hałasavańnia, u niekatorych navučalnych ustanovach užo prahałasavali daterminova. 

Kandydataŭ u deputaty moładzievaha parłamienta vyłučali sami navučency šlacham zboru nie mienš jak 25 podpisaŭ. U kožnaj navučalnaj ustanovie byli stvorany vybarčyja kamisii ŭ składzie piaci čałaviek z pradstaŭnikoŭ piedahahičnaha kalektyvu i orhanaŭ vučnioŭskaha i studenckaha samakiravańnia. 

Hałasavańnie skončycca siońnia ŭ 15.00. Vyniki vybaraŭ buduć padviedzieny ŭ paniadziełak, 29 vieraśnia. Pieršaja siesija moładzievaha parłamienta pryznačana na 9 kastryčnika ŭ himnazii № 3 horada Mahilova.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?