U suviazi ź nizkim pasažyrapatokam u Minsku 30 vieraśnia zakryvajecca aŭtobusny maršrut № 191 «DS Paŭdniovy Zachad — Aŭtarynak», paviedamili ŭ dziaržaŭnaj ustanovie «Staličny transpart i suviaź».
«U pieryjad pracy aŭtobusnaha maršrutu № 191 «DS Paŭdniovy Zachad — Aŭtarynak», arhanizavanaha ŭ jakaści ekśpierymientu z 15 lipienia 2014 hoda, było praviedziena vyvučeńnie pasažyrapatokaŭ šlacham padliku pasažyraŭ, jakija ŭvachodzili i vychodzili na kožnym prypynačnym punkcie. Analiz materyjałaŭ pakazaŭ adsutnaść ustojlivaha pasažyrapatoku jak u napramku ZAT «Handlovy mir «Kalco», tak i z boku praśpiekta haziety «Praŭda» ŭ napramku ŭstanoŭ achovy zdaroŭja, raźmieščanych pa vulicy Hołubieva. Pasłuhami maršrutu na praciahu dnia karystajucca adzinkavyja pasažyry», — rastłumačyli va ŭpraŭleńni.
Volny aŭtobus budzie nakiravany dla pracy na maršrucie № 75.
