Kiraŭnik rasijskaha «Hazproma» Alaksiej Miler papiaredziŭ pra mahčymyja pieraboi z pastaŭkami hazu ŭ Jeŭropu praz terytoryju Ukrainy zimoj.

Pavodle jaho słoŭ, heta źviazana z tym, što Ukraina zapampavała zanadta mała paliva ŭ schoviščy.

Miler miarkuje, što Ukrainie dla bieśpierabojnaj raboty ŭ asieńnie-zimovy pieryjad nie chapaje 7,5 młrd kubamietraŭ hazu.

«Ukraina ŭ poŭnym abjomie nie zakačała haz u padziemnyja schoviščy. Dla bieśpierabojnaha prachodžańnia Ukrainie zimoj nieabchodna na pačatak aciaplalnaha siezona mieć 18 młrd kubamietraŭ aktyŭnaha hazu. Hetaha hazu ŭ padziemkach niama», — skazaŭ jon.

U kamientary rasijskamu telekanału «Rasija-24» kiraŭnik «Hazproma» taksama zajaviŭ, što Rasija i Ukraina, jak i raniej, razychodziacca adnosna taho, jak i kali pavinny pastupić płaciažy za rasijski haz, niahledziačy na peŭny prahres u pieramovach napiaredadni.

U piatnicu na hazavych pieramovach u farmacie ES — Rasija — Ukraina ŭ Bierlinie baki damovilisia, što Ukraina pavinna vypłacić «Hazpromu» daŭhi, a taksama moža zakupić 5 młrd kuboŭ rasijskaha hazu pa canie 385 dalaraŭ za tysiaču kubamietraŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?