Kiraŭnik Dnieprapiatroŭskaj abłdziaržadministracyi Ihar Kałamojski miarkuje, što kanflikt na ŭschodzie Ukrainy zavieršycca z prychodam zimy.
«Mirny praces pajšoŭ, ale my pavinny razumieć, što na parozie zima i 4,5 miljona čałaviek, jakija žyvuć na akupavanych terytoryjach, pavinny jaje pieražyć. I voś hetaja bojaź zimy prymusiła ŭsich sieści za stoł pieramovaŭ. Razam z tym, ja b nie rassłablaŭsia i nie čakaŭ by viasny, mienavita viasnoj my pavinny być u poŭnym uzbrajeńni i hatovyja da ŭsiaho», — skazaŭ jon u subotu.
Kałamojski taksama miarkuje, što z kantynhientam u 50 tysiač bajcoŭ «niemahčyma ŭtrymać takuju terytoryju, asabliva kali nasielnictva nastrojena suprać».
Viarnuć časova akupavanyja ziamli, na jaho dumku, možna tolki pa ŭłasnym žadańni ich žycharoŭ.
«Z časam ludzi, jakija pražyvajuć na tych terytoryjach, sami pavinny zrazumieć, što im biez Ukrainy horš i, tak by mović, paprasicca nazad», — skazaŭ Ihar Kałamojski.
