U samaabvieščanaj DNR nazvali ŭmovy adnaŭleńnia abmienu pałonnymi z Kijevam.
«Praces zaraz sapraŭdy prypynieny i pačniecca jon znoŭ tady, kali ŭkrainski bok budzie davać nam narmalnyja śpisy pałonnych», — raspaviała kiraŭnik kamiteta pa spravach vajennapałonnych i biežancaŭ DNR Darja Marozava.
Jana patłumačyła, što z 100 pałonnych apałčencaŭ, śpis jakich pieradali ŭkrainskim uładam, «jany znajšli tolki 29, choć tam navat było napisana ŭ jakich turmach i jakich kamierach jany siadziać». Što b nabrać dla abmienu 100 čałaviek, ukrainskija ŭłady, pa słovach Marozavaj, dapoŭnili hrupu pałonnych zatrymanymi chulihanami i ałkaholikami.
«Viadoma, my nie chočam pravodzić takija abmieny, bo addajom ŭkrainskamu boku realnych vajennapałonnych», — skazała kiraŭnik kamiteta.
Jana taksama dadała, što siarod patrabavańniaŭ DNR — addavać razam z pałonnymi ich dakumienty. «Časta pałonnych addajuć biez dakumientaŭ. Jany navat nie mohuć nie toje što vyjechać niekudy, a paćvierdzić svaju asobu», - patłumačyła Marozava.
